aragones     castellano    català

Libros de ficcion

Las recomendaciones  se basan en las nuestras experiencias, entendendo que qualsiquier obra puede ser leyida per totz. Dende 4º d'ESO entienga-se que ye tamien ta adultos.

1.- La sombra del gato y otros relatos de terror, Concha López Narváez, ed. Alfaguara, 2002, Madrid.

Historia d'entretenimiento de bellas historias que pillan a os zagals y zagalas con facilidat: un gato misterioso que mata o bestiar d'as propiedatz d'a redolada, un noble que traiciona o suyo honor y l'amistat d'o suyo amigo, un alquimista mirando de trobar a piedra filosofal y tot ixo.

Recomendada dende 1º d'ESO.

2.- La piel de la memoria, Jordi Sierra i Fabra, ed. Edelvives, 2002, Zaragoza.

Cuenta a vida d'un mesache naixiu en una aldea africanatresbatida en o mapa, recentada en primera persona, que encomienza quan el vende o suyo pai ta que a suya familia podese sobrevivir, pensando que lo colocarian en bell treballo digno. Treballara mientras muitos anyos en una plantacion de cacau como esclavo y patira a crueldat de l'hombre, pero tamien conoixera l'amistat, l'amor y d'an que conseguira a suya quiesta libertat quan eslampa d'asti. A novela denuncia a explotacion infantil en as plantacions de cacau en l'Africa occidental.

Recomendada dende 6º d'EP u 1º d'ESO.

3.- La tejedora de la muerte, Concha López Narváez, Ed. Bruño, 1997 (2007), Madrid.

A obra mantien bella tension apropiada a o ran d'os lectors. Se tracta d'a misteriosa chermana de l'abuela d'a protagonista, que seguntes acababa de teixer os tapabocas moriba una persona que contaba tantos anyos como linias teniba dito tapabocas. A obra agrada por o suyo argumento y desembolique , asinas.

Recomendada dende 1º d'ESO.

4.-Un saco de canicas, Joseph Joffo, Ed. De Bolsillo, Barcelona, 1973.

O peluquero Joffo, un chudio estableixiu en o Paris ocupau por os nazis, decide ixemenar a la suya familia ta estalviar-se o posible cruel destino que les espera. Os suyos fillos Joseph y Maurice, de 10 y 12 anyos, han de sobrevivir solos en un mundo en que la barabarie, l'amistat, la picaresca y sobre tot a medrana, imponen una sola lei: a supervivencia. Ye una historia real.

Recomendada dende 3º d'ESO.

5.- Història de una desmemoriada mula vella, Desideri Lombarte, Associació Cultural del Matarranya-Institut d'Estudis del Baix Cinca- Iniciativa Cultural de la Franja, Calaceit, 2008.

Narracion breu sobre a transformacion d'o treballo en o campo visto dende os uellos d'una d'as mulas de casa. Con una tecnica narrativa brillant, Desideri amuestra a vida d'una d'ixas mulas dende que naix hasta que muere una vegada implantada la labrada con tractor.

Recomendada dende 6º d'EP.

6.- Las aventuras de Tom Sawyer, Mark Twain, Anaya, Madrid, 2005.

Adventuras y desventuras muit divertidas en una prosa cuidada y con exercicios de repaso ta'l que quiera. Personaches que corren experiencias que quedaran marcadas en o nuestro alumnau.

Recomendada dende 6º d'EP.

7.- Una habitación en Babel, Eliacer Cansino, Anaya, Madrid, 2010, 2ª reimpresion.

Novela d'adventuras que sabe mantener a tension y a intriga dende o principe. Os protagonistas son dos adolescents de l'Andalucia  de hue,  de bells 16 u 19 anyos. Tienen procedencias diferents y vidas y problemas diferents. Manimenos, l'autor ha sabiu piar un gran vinclo entre ellos, un verdadero ret que sostien l'argumento d'a novela; encara que o verdadero valor d'a obra, son os pensamientos  que nos ie leva l'accion, a os suyos personaches, mas que mas, a o protagonista: un profesor d'instituto dito Angel que amuestra filosofia. Os feitos d'a novela desembolican en ell un bonico y increible cambio personal. A un chaval u una chavala que estudeya etica u filosofia puede fer-le goi iste rilato que enfonda en temas basicos d'o ser humano: en a percepcion, os comportamientos, o sentiu d'o que s'ha de fer, os sentimientos, l'aceptacion, reconoiximiento y identificacion con l'atro. Una gran novela que nos amuestra a pasar-lo bien, a reflexionar y a actuar.

Recomendada dende 4º d'ESO.

8.- El profeta, Gibran Khalil Gibran, Obelisco, Barcelona, 1997.

Bellas parábolas a on que se tractan mui diversos aspectos d'as relacions humanas: l'amor, o matrimonio, o dar, u o treballo son solo que bells d'ellos.
Como bien se leye en a contraportada, “si anclados en el ciclo de trabajo y reposo, queremos disipar nuestros temores, en estas parábolas podemos encontrar el aliento necesario para planear en las alturas”.

Recomendada dende 4º d'ESO.

9.- La llave de Sarah, Tatiana de Rosnay, Suma de letras, Madrid, 2007.

París, 1942. As autoridatz francesas detienen a 13.000 chudios. Entre ellos ye Sarah, una nina que tanca a o suyo chermano en un almario ta mirar que no lo pillen a ell tamien. Por desgracia, o destino d'ista familia ye escripto en as pachinas de l'holocausto chudio.
Anyos dimpues una periodista para un reportache sobre el “Vel d’Hiv", u lo que va pasar en la redada del Vélodrome d’Hiver, y mas t'alla…

Recomendada dende 4º d'ESO.

10.- Calvina, Carlo Frabetti, SM, Boadilla del Monte (Madrid), 2007.

El Rata, un ladrón de barrio conoixe a Calvino -¿u Calvina?, no esta platero- en uno d'os suyos robos, pero bella cosa no marcha bien. Sin querer-lo ha de fer  de pai, conoixendo a locos prou cuerdos y a muertos muito vivos en puestos que nunca no son lo que pareixen. Una obra chenial con espurnias d'absurdo que entusiasma a tot lector.

Recomendada dende 1º d'ESO.