aragones     castellano     català

Libros de conoixenza

1.- Aprender juntos en el aula, Teresa Huguet Comelles, ed. Graó, Barcelona, 2006.

Expone a experiencia y o camino corriu por un cole alrededor a o tractamiento de l'atencion a la diversidat. Da prous pautas ta confrontar-nos a situacions y debatz que pueden pasar en o nuestro centro Tamien contien anexos prou interesants con ferramientas, guidons, esquemas… que pueden ser d'utilidat ta aplicar si s'adaptan a o contexto de cada comunidat educativa.

2.- Aprender juntos alumnos diferentes. Los equipos de aprendizaje cooperativo en el aula, Pere Pujolàs i Maset, ed. Octaedro, Barcelona, 2008.

A escuela inclusiva, as bases de l'aprendizache cooperativo, a suya metodolochia, posibilidatz d'aplicacion y eixemplos son bells uns d'os puntos tractaus en iste treballo indispensable ta emplegar efectivament ista forma no competitiva de treballar. Os eixemplos que farcen o libro ilustran perfectament as suyas enormes posibilidatz.

3.- Crecer en una familia bilingüe. La educación plurilingüe en casa y en la escuela, Elke Montanari, Editorial CEAC, Barcelona, 2007.

A obra se centra en exponer posibles respuestas y modos de actuacion deban de as diferents etapas d'o desembolic lingüistico y cognitivo d'o nino bilingüe y trilingüe. Se tracta d'una vision no discriminatoria d'o bilingüismo que, emplegando eixemplos muit diferents (luengas mayoritarias y minoritarias, en contextos no iguals), nos ilustra sobre como actuar ta fer que os nuestros fillos u alumnos pleguen en una competencia lingüistica plena en todas as suyas L1 sin tresbatir cosa por o camin ; asinas como a influencia que osistema educativo tien en ellos. 

 4.- Percepción Sensorial en el Autismo y Síndrome de Asperger, Olga Bogdashina, Asociación Autismo Ávila, 2007.

Desembolica o rol que chugan as diferencias de percepcion sensorial en o autismo, tal como las piensan as personas con autismo. A primer parti d'o libro cubre as experiencias perceptivas y sensibilidatz que asoven son ignoradas por os profesionals. A segunda parti se arrocla en la evaluacion y intervencion, chunto con recomendacions practicas ta triar metodos y tecnicas que rebaixen os problemas y quiten treslau a os puntos fuertes.

5.- Elogio de la educación lenta, Joan Domènech, Graó, Barcelona, 2009.

Una obra que os precursors suyos sonen os primers trangos d'a Renovacion Pedagochica, pero publicada en un tiempo en que l'embolic de contenius afogan a o nuestro alumnau. Ye l'alabanza d'o sentiu comun a que totz os docents aspiran encara que no pas totz el consiguen. Una obra basica, compatible con cualsiquier didactica de aula, que explica platero por que ye menester emplegar o tiempo preciso ta cada aprendizache ixublidando-nos de tantos y tantos contenius no precisos de verdat.